[新手財自系列] 8分鐘知道點樣揀股票！重倉美股點樣揀？

好多人都會問買股票點樣開始，點樣揀一啲可以重倉嘅股票，個關鍵字嚟啦，重倉，因為要認真講嘅話呢唔係每一隻股票都可以重倉，一個人唔會淨係買一隻股票，買多過一隻股票就要睇返你個倉入面究竟呢隻股票佔嘅比例應該係幾多呢。我自己對選擇可以重倉嘅股票呢其實有一啲要求嘅，尤其是最近嘅經濟環境同埋股市表現反反覆覆，如果揀咗隻啱嘅股票嘅話呢，如果市大跌嘅話，你都未至於慌失失！所以揀啲啱嘅可以值得重倉嘅股票，擺喺自己嘅觀察表裏面，等機會入貨！今日既內容好豐富，記得睇到最尾，希望幫到你！

首先我哋要知道點解重倉股票係唔可以亂咁揀嘅呢，我之前嘅其中一條片講過，長線投資最神奇既地方係複息效應，詳細可以撳右上角睇返上一條片再返嚟，我地靠複利由依家開始每個月儲5000蚊，10%嘅回報，20年嘅時間一共投入120萬本金會變成379萬。如果你真係每個月儲5000蚊，而你又真係好後生嘅，其實你起跑線已經畀好多人快，所以投資第一樣要考慮嘅因素係時間，呢個例子就睇到佢有幾大嘅威力。

第二個要考慮嘅因素係回報率，如果你投資股票嘅回報率唔能夠超過10%一年的話，咁不如直接買標普500指數etf （VOO），因為10%係美股標普500指數平均回報率，就我自己嚟講我要求自己嘅股票表現回報率係高過標普500 ，我建議你心裏面都有一個屬於自己嘅回報率，所以呢條片就講下點揀一啲跑贏標普嘅股票。好，選擇可以重倉股票第一件要注意嘅事，係要睇下呢間公司嘅走勢，睇下2009年2020年嘅走勢，特別係2017年去到2020年，點解呢？如果呢十年嘅大牛市或者大升市都升唔到嘅股票基本上你都係唔需要去諗佢，因為你想佢第時股市復甦嘅時候升返上嚟係一件好困難嘅事，因為喺嗰十年嘅qe，回購，經濟同各種科水灌水都成就唔到嘅股票，佢哋嘅基本面呢其實都幾嚴重，喺呢度我講基本面就當係公司嘅實力或者財務情況。咁當然我嘅意思唔係話呢啲股票喺未來100%唔會升，有啲可能會升兩倍或者三倍；但係一個長期投資嘅角度嚟睇，我係唔會攞我嘅重倉/或者老婆查去買呢啲公司嘅 。同埋攞呢一啲股票去VOO比，即係頭先所講標普500指數etf，如果一隻股票嘅長期走勢喺幾年內冇辦法跑贏標普500指數嘅話，咁基本上我都係唔會鬧得睇我考慮嘅範圍，除非佢有其他可以說服到我嘅理由，因為如果一隻股票喺長期呢都冇辦法跑贏標普500指數， 好合邏輯地，咁我不如直接買標普500啦。 

咁我哋嘅初心係想買跑贏標普嘅股票，所以點先知道一隻股票喺過去有冇跑贏標普呢？ 好簡單，唔複雜，唔使報啲咩班，上Yahoo Finance 就可以，搜尋VOO, 按 CHART, 再按比較，再選擇你想比較嘅股票 例如蘋果 AAPL, 揀顏色，然後你就會見到蘋果同voo 回報率百分比嘅走勢, 然後可以比較下上面仲有得揀時間, 例如今年一年五年等等, 可以做啲簡單嘅篩選 

第三，我哋要注意嘅另一件事, 就係要睇呢間公司既然現金流同埋負債, 呢個真係要特別留意, 因為買了VOO唔會出現呢一類嘅財政狀況, 所以要確保一間公司可唔可以穿越牛市熊市, 可唔可以喺經濟最艱苦嘅時期生存落嚟, 有一個好嘅現金流, 唔單止可以幫公司保命, 同時亦都決定咗佢嘅股價係唔係會上升嘅重要因素。因為一間公司有好嘅現金流，先至可以去擴張，去收購，穩定地發放股息或者回購股票，甚至去壟斷。依家營運一間公司，就好似玩大富翁咁樣，好多地產發展商都會買一條街返嚟，之後先至諗塊地嚟做咩呢，所以呢個年代識玩大富翁嘅公司呢先至係好公司，所以睇公司策略係揀股票的重要一環 

第四，EPS同收入都一定要穩定成長，市場係唔鍾意驚嚇嘅，股價大上大落好大嘅原因係因為佢哋嘅財報唔夠穩定，有時會賺錢有時會蝕錢，反映到佢哋嘅盈餘管理能力係比較差嘅，亦都係唔識去重倉。好似蘋果，GOOGLE，或者Microsoft咁，佢哋嘅走勢咁穩定，大部分嘅原因都係因為佢哋嘅財報一直都好穩定。Microsoft以前被美國證監會警告過, 話佢哋太保守, 將好多收入都向後移，而喺2000年開始聯網泡沫嘅年代，好多間公司都絞盡腦汁樽未來嘅收入向前推，甚至造假數, 偏偏Microsoft睇嗰陣時就好似一股清泉咁，所以一間公司有好嘅管理層同埋盈餘管理能力係非常重要嘅 

最後一點就係要睇呢間公司有冇回購佢自己嘅股票，回購股票係令到股價上漲一個非常重要嘅因素，回購股票即係公司買返自己嘅股票，自己買自己股票有咩效果，咁當然係股價會升啦，聽落去好似好直接咁但其實係一個良性嘅循環。因為回購股票會令到eps上升，即係每股收益增長，因為市場上嘅股票數量變少咗，所以eps會提高 ，咁財報上嘅eps就更容易超過預期。咁大家都聽過財報好過預期，股價就會上升，有時仲會聽到盤前或者盤後暴升嗰隻，咁升咗又點呢，得更加吸引機構或者散戶入場，佢哋一買，股價又會繼續升 ，導致更加多嘅機構買入，令到需求上升，股價又會繼續升，咁樣嘅一個良性循環對股東嚟講係一個非常呢好嘅消息。咁點先知呀間公司係咪喺度回購自己嘅股票呢 ，好簡單，google幫到你，其實好多網站都有呢啲咁嘅消息或者新聞 

講到呢度差唔多， 如果你未開證券戶口嘅，歡迎㩒我下面條link去開一個IB嘅戶口, 低交易費、先進交易平台, 可以買股票, 期貨，外匯、債券和基金. 如果想知多啲關於保費融資，穩定年回報率10%嘅話, 歡迎按我下面條link, 仲可以得到$100超市現金券

想睇更多片可以 Subscribe同埋Follow我哋

• YouTube
• Facebook
• Instagram

借定唔借，還得到先好借！呢啲都係我既個人觀點，唔係投資建議，投資有風險！大家要獨立思考！

呢個CHANNEL會分享一啲理財小知識，希望大家可以一齊向財自出發 (財務自由)，如果鍾意呢條片或者覺得呢條片幫到你嘅，就記得CLSS, Comment, Like, Subscribe, Share, 仲記得咁埋個叮叮鐘！

Interactive Broker 免費開戶連結： https://www.interactivebrokers.com/referral/kwankitjason785

可以follow埋Instagram: https://www.instagram.com/cheery.investment/

想睇更多片可以 Subscribe我哋

如果你鍾意我哋啲片,  不妨可以請我地喝杯咖啡☕️: https://www.airwallex.com/pay/hk/link/8c1e2bad78a8