ZH 
EN 
【係咪真架】唔想做一世樓奴, 如何打破樓奴困局，大大縮減供樓年期/供款金額 ！附保費融資個案分析 ！
縮減按揭供款金額, 縮減按揭年期, 唔使錢樓換樓, 自住物業仲有得收租? 真唔真呀! 有冇咁大隻蛤乸隨街跳! 曬成條片佢, 就知呢款創造被動收入的投資方法啱唔啱你 !
喺香港樓價係高企, 層樓一般漸咗業主嘅資產九成或者以上, 而按揭供款年期長達25至30年, 部分業主退休之後仲要繼續供樓, 兼且存款利息極低, 唔能夠有效咁資本增值. 坊間有一款投資工具可以縮減供款額又或者可以縮減供款年期, 兼且高回報低風險運作靈活, 講緊嘅就係保費融資
其實保費融資喺20年前已經存在, 並唔係個新嘅產品, 唔同嘅新聞都有報導過呢樣嘢 , 以某電視台財經報道嚟睇, 假設有個儲蓄保險保費140萬,投資期十年, A君冇做保費融資, 攞現金140萬出嚟,十年後張保單價值200萬, 年回報4.3%; B君做咗保費融資, 只需要拎40萬出嚟其餘嘅一百萬係融資借貸返嚟,十年後保單價值200萬年回報9.3%.
唔好睇少啲百分之幾嘅差距喺我上一條片都有講, 係複息效應底下, 金額差距可以係幾倍 . 咁咩人適合做保費融資呢 , 擁有物業嘅人,擁有一筆流動資金嘅人, 或者能夠用好低利息借錢嘅人.
今時今日嘅保費融資能夠做到啲咩效果呢 , 你唔需要畀任何款項，唔需要負擔任額外嘅每月供款額 , 就可以做到呢六點, 一係每個月供少啲, 一係本身要供樓嘅變咗唔使供, 一係本身要供20年變到供10年; 甚至自己層樓係收緊租再可以收多一倍租, 或者自住都變到有租收 , 甚至免費樓換樓
好似好犀利咁喎, 咁究竟係點做到㗎呢, 一齊睇下陳生縮減按揭金額嘅真實個案, 陳生有一個康怡花園嘅物業市值$1300萬,咁佢嘅按揭供款仲有320萬要還 , 每個月供緊三萬蚊,計一計仲有十年要供 .陳先生之後去做保費融資, 首先同銀行按出$650萬, 即$1300萬嘅一半. 咁佢有左650萬現金第一件事就去還咗佢本身仲爭銀行嘅$320萬按揭供款, 淨番330萬, 點做呢?陳生先用 $280萬去買入 $1000萬嘅儲蓄保險, 淨返嘅 $50萬現金就去買派息基金
之後嘅效果變成點呢, 陳先生本身按咗650萬佢每個月需要供二萬二千蚊, 而做保費融資用280萬去買一千萬嘅儲蓄保險當中嘅七百二十萬, 其實係抵押左份儲蓄保險, 由銀行借返嚟嘅, 咁點解銀行肯借呢, 道理同你買樓畀咗280萬首期去買一層一千萬嘅樓係差唔多, 銀行見儲蓄保險保證保本風險較低所以先肯借畀陳生,而佢最特別之處係供款期間還息唔需要還本, 咁所以每個月要還畀銀行萬二蚊再加埋頭先所講嘅二萬二千蚊, 佢每個月還畀銀行嘅供款呢就大約三萬四千蚊.
咁聽落去本身每個月要供三萬蚊,依家每個月要供三萬四千蚊,咁咪供多咗? 其實唔係, 因為每個月陳生都多左額外收入, 呢啲收入係點嚟㗎呢, 首先儲蓄保單可以每個月保證派息2%, 保守啲計每個月收萬六蚊, 直接入落銀行戶口, 而頭先提過50萬去買每個月派大約8%既派息基金, 每個月收大約三千蚊, 亦都係直接去你銀行戶口. 咁所以每個月供三萬四千蚊，同時每個月收兩萬蚊額外收入, 即係每個月嘅實際開支係一萬四千蚊, 頭先提過, 陳先生本身供款係三萬蚊一個月, 依家佢每個月足足供少一半 !
好! 十年後又點呢, 本身喺銀行按咗幾650萬, 就會供剩470萬, 而張一千萬嘅儲蓄保單呢就會升值到1288萬, 呢一張儲蓄保險係保證保本 , 再加埋喺銀行嘅五十萬嘅派息基金 . 埋單計數, 保單1288萬, 還返畀銀行720萬, 又有五十萬嘅現金, 再還番本身按揭供剩嘅470萬,最後得到嘅現金係148萬,兼且層樓已經供完!
我哋再做過比較, 本身每個月供三萬蚊, 十年總共$360萬, 冇額外嘅現金或者收入下, 實際嘅支出係三百六十萬. 再睇下做咗保費融資 , 每個月嘅供款係萬四蚊, 十年總共要供$169萬 , 兼且仲有$148萬嘅現金 , 實際支出只係21萬 慳咗嘅錢都係賺咗嘅錢所以淨利潤第$339萬!
最後戴一戴頭盔先，借定唔借，還得到先好借！呢啲都係我既個人觀點，唔係投資建議，投資有風險！大家要獨立思考！
預約想知多啲仲可以有超市現金卷！
