新手財自系列 穩穩的ETF，加到你的觀察列表！跌市都適用【美股分析】

首先都要再講一講，今日呢條片唔係叫大家即刻去買這些etf，因為股市入場呢都好講究時機，所以呢條片更多係想大家先了解這些etf，睇下適唔適合自己，然後下一次把握機會入場。當然如果你係定投嘅話，咁就冇所謂，跟住自己嘅計劃就得㗎喇。所謂定投，即係按一個固定嘅時間投入固定嘅金額定時定候投資，最簡單嘅例子就係月供股票，每個月用5000蚊港紙去買apple。

第二， 這些etf係唔適合短炒，因為波幅好細，上落唔大，亦即係話佢哋比較適合長期投資，除非美國國運不行，否則佢哋嘅價格未來好大機會會越升越高，所以喺我眼裏面這些etf是一些令我睡得很好的投資。第三，雖然佢哋嘅潛在收益沒有成長股高， 但係佢哋都經歷咗幾十年的考驗，長期嘅穩定性比其他嘅基金或者股票都要強，長期來說， 這些etf長期都跑贏90%以上嘅基金經理，所以短期賺一倍嘅收益可能冇長期穩定收益來得實在，畢竟我哋冇可能每一筆投資都只賺不蝕， 能夠輕鬆賺幾倍嘅股票嘅風險可能係血本無歸，始終收益同埋風險係成正比，所以風險管理同埋投資組合嘅穩定性係好重要。好大家對今日呢條片嘅風格一個基本的了解，我哋而家進入正題！

第一個要介紹嘅etf 係VIG，一個藍籌股息增值 ETF

雖然VIG平均年回報率同標普500指數差唔多，但係佢個持倉同標普500指數有好大的一個分別，就係VIG只有 17 %係屬於科技股，淨返嗰啲都係傳統股。而標普500指數ETFVOO有25 % 係科技股, 所以VOO同VIG持倉重心比例明顯係唔同嘅，VIG重心比例係金融服務，醫療保健，防守性消費，非必須消費品同埋工業，所以如果想自己嘅組合有一啲傳統股票喺完結疫情同處於加息週期的話，咁VIG包含嘅板塊基本上都符合呢個主題

接下來我哋講一下VIG前十大持倉嘅股票有什麼，第一係微軟，第二係JP Morgan, 第三係Johnson & Johnson (一隻醫療巨頭股票) ,  United Health另一隻醫療巨頭股，VISA一隻我好鍾意嘅股票，經濟差同經濟好都會用的支付工具，HOME DEPOT全球最大建築家居零售公司，P&G 全球最大日用消費品公司之一 ，總共佔咗31.56%, 總共有超過200隻股票, 所以睇到 VIG 比VOO偏向更傳統版快一點。

好明顯投資VIG唔係為咗一夜暴富或者短時間升幾倍，投資VIG嘅期望更多係為咗穩定嘅10%至15%一年，比較適合資金龐大同埋風險承受力比較低嘅長線投資者，畢竟如果資金夠多，10%一年都有唔少錢 ，所以資金規模越大組合，理論上就應該保守一點。VIG一年嘅管理費 0.06%, 非常低, 管理嘅資產有 735億 , 算係一隻比較大嘅etf 

總結一下就係如果你想要一隻畀標普500指數裏面科技股成分低一啲嘅etf, 咁VIG 係一個唔錯嘅選擇, 佢係一隻能夠穿越牛熊的ETF。講到呢度差唔多，下條片我會繼續介紹唔同嘅etf。如果你未開證券戶口嘅，歡迎㩒我下面條link去開一個IB嘅戶口, 低交易費、先進交易平台, 可以買股票, 期貨，外匯、債券和基金. 如果想知多啲關於保費融資，穩定年回報率10%嘅話, 歡迎按我下面條link, 仲可以得到$100超市現金券

最後戴一戴頭盔先，借定唔借，還得到先好借！呢啲都係我既個人觀點，唔係投資建議，投資有風險！大家要獨立思考！

• YouTube
• Facebook
• Instagram

想睇更多片可以 Subscribe同埋Follow我哋

借定唔借，還得到先好借！呢啲都係我既個人觀點，唔係投資建議，投資有風險！大家要獨立思考！

可以follow埋Instagram: https://www.instagram.com/cheery.investment/

想睇更多片可以 Subscribe我哋

如果你鍾意我哋啲片,  不妨可以請我地喝杯咖啡☕️: https://www.airwallex.com/pay/hk/link/8c1e2bad78a8