加息對保費融資有咩影響？ 依家係咪唔適合買？用實例深入淺出去了解一下

近排好多人都有pm我，問依家去到加息嘅週期，係咪唔適合去做保費融資？做保費融資係咪會蝕錢？如果唔知道咩係保費融資嘅話，可以睇我之前嘅片去了解一下。今日有一筆錢喺度嘅時候，而你而家對股票市場或者樓市嘅預期又唔係咁樂觀，甚至想買一啲低風險嘅投資工具，其實就算係加息週期，保費融資依然係一個相當唔錯嘅選擇！ 點解呢？就等我係呢條片度解釋下，記得睇到最尾，希望幫到你！

好，入正題，保費融資其實一個套利息差嘅遊戲，數學嚟講你嘅回報其實就係本金同時間同利息回報嘅組合，時間越長，假設利息回報不變，你嘅回報會隨著時間增長； 保費融資係喺呢一個基礎底下，假設時間利息回報不變，將本金擴大從而令到總回報增加。

當然將本金擴大既方法就係將儲蓄保單抵押俾銀行，銀行相信份儲蓄保單嘅穩定性，從而借錢去倍大個本金，當然借錢係有成本，依家加息週期，借錢成本去到4-5%，會唔會令到做保費融資嘅人蝕錢呢 ？首先做保費融資嘅回報大約有11%，所以加息週期只會令到回報少咗，係唔會去到蝕錢嘅。除非加息去到超過本身嘅回報，但係眾所周知香港加息步伐未必需要跟隨美國加息步伐，更何況如果真係加息加到超過10%，相信一眾供緊樓嘅人士，應該比做緊保費融資嘅人更加擔心。

我哋睇一睇2022年12月26號這個真實例子，李先生啱啱賣咗層樓點解有三百萬嘅現金，想做一個比較低風險嘅投資計劃 ，我哋睇下保費融資點樣幫到佢 

如果做保費融資嘅話 ，由計劃一開始，每個月收現金嘅利息有 $12,500，五年後仲可以有保守估計$170,000嘅資本增長; 去到十年呢, 除咗已經收咗$150萬嘅現金利息之外, 仲可以賺取$181萬嘅資本增長； 去到15年 ，除咗已經收咗$225萬嘅現金利息 ，仲可以賺取$300萬嘅資本增長。呢個個案已經係係加息週期底下的一個回報 

所以加息係咪真係對保費融資有一個好大嘅影響？投資樓市或者股票市場又可唔可以做到低風險之餘又有相似嘅效果？就要交畀大家自行決定啦 ！有啲咩問題歡迎隨時聯絡我哋又或者按下面條link了解更多！

• YouTube
• Facebook
• Instagram

想睇更多片可以 Subscribe同埋Follow我哋

借定唔借，還得到先好借！呢啲都係我既個人觀點，唔係投資建議，投資有風險！大家要獨立思考！

可以follow埋Instagram: https://www.instagram.com/cheery.investment/

想睇更多片可以 Subscribe我哋

如果你鍾意我哋啲片,  不妨可以請我地喝杯咖啡☕️: https://www.airwallex.com/pay/hk/link/8c1e2bad78a8